409
[i 556]
DE LA VILLE DE PARIS.
Danès, Guillaume Du Boys ct Jehan de Beauquesne, de faire parer et tendre de tapisserye les rues de Vennerye, Crucifix Sainct Jacques, Apport de Paris, Pont au Change, la Court du Palais, rue Kalende et rue Neufve Nostre Dame, retournans par dessus le Pont Nostre Dame et revenant en lad. eglise Sainct Jehan.
Ont esté mandez tous les Quatre Mendians pour
eulx trouver à sept heures du matin en lad. eglise Sainct Jehan, pour assister avec leurs reliquaires à lad. procession.
Ont esté mandez les vendeurs de vin, porteurs et mesureurs de grains, mosleurs de boys, courtiers de vins et autres Officiers de lad. Ville cy après nommez, pour venir à lad. procession.
DCCLXXII. — Procession solempnelle.
17 février 1556. (Fol. 171 v°.)
Et le landemain, lundi xvii" jour dud. moys de fevrier, se sont trouvez en lad. eglise Saint Jehan, suyvant les mandemens envoyez lejourd'hyer, ceulx qui devoient assister à lad. procession.
Et entre huit et neuf heures du matin, Mess™ les Prevost des Marchans, Eschevins, Conseillers, Quar­teniers, Bourgeois, sergens, archers, arbalestriers, hacquebutiers de lad. Ville, partirent de l'Ostel de lad. Ville, assavoir : monsr mc Nicolas de Livres, Prevost des Marchans, vestu de sa robbe my partie de satin cramoisy, rouge et tanné; et mess" mc Jehan Paluau, sire Jehan Lescalopier, Germain Boursier et Michel Du Ru: Eschevins; et mc Regnault Bachelier, Greffier, qui alloit devant mesd. S™ : vestuz de leurs robbes my parties d'escarlatte et de tanné garance ; el mess™ les Conseillers, Quarteniers et Bourgeois de lad. Ville marchoient après eulx, jusques en l'eglise Sainct Jehan, tous à pied, où estoient les Quatre Mendians et le clergé qui les attendoient.
Et quant ilz furent arrivez dedans lad. eglise, que celuy qui a escript ce present livre, qui avoit la charge ' de mettre l'ordre, feist marcher premierement les Cor­deliers en grant nombre, portans beaulx reliquaires et revestuz de belles chappes, et leur avoit esté baillé de par lad. Ville à chascune croix deux torches blanches, armoryées chascune de deux escussons aux armes de lad.Viile, et autant de cierges et escussons à l'entour des reliquaires.
Après, marchoient les Freres Prescheurs, ditz Jaco-pins, portans reliquaires et vestuz comme dessus.
Après, marchoient les Carmes comme dessus.
Après, marchoient les Augustins.
Après, marchoit celuy qui portoit la banniere de Sainct Jehan.
Après, marchoient gens portans grant nombre de torches que les parroissiens y avoient envoyées.
Après, suyvoient les petits enffans du Sainct
Esperit tenans chascun une chandelle ardante en la main.
Après, marchoient les prestres et reliques des Haudriettes.
Après', marchoient les religieulx des Billettes.
Après, suyvoient les religieulx de Blancs Man­teaulx, tous revestuz de belles chappes comme les autres cy dessus ; et portoient le chef Monsr sainct Guillaume.
Après, marchoient tous les prestres de Sainct. Jehan, tous revestuz de belles chappes, et portans plusieurs beaux reliquaires, mesmes le chef sainct Jehan, la chasse sainct Policarpe; et autres sainctes reliques.                                 '
Après, marchoit le curé dud. Sainct Jehan seul, vestu d'une riche chappe de drap d'or frizé.
Après, marchoit Monsr l'abbé de Sainct Magloire, seul, revestu de riches habbitz ponlificauk et avoit en sa teste une riche mitlre de drap d'or frizé, garnye de perles et autres pierres précieuses.
Après, marchoient les archers, arbalestriers el, hacquebutiers. de lad. Ville, vestuz de leurs hoc-quetons de livrée, tenans chascun ung baton blanc en la main pour faire serrer le peuple.
Après, marchoient les dix sergens de lad. Ville, vestuz de leurs robbes my partie rouge et bleu, el leur navire sur l'espaulle.
Après, marchoit le Greffier de lad. Ville, seul, vestu comme il est dict cy dessus.
Après, marchoient Mess™ les Prevost des Marchans et Eschevins, vestuz comme dessus.
Après, marchoient Mess™ les Conseillers.
Après, Mess™ les seize Quarteniers.
Après, les notables Bourgeois et Marchans de lad. Ville.
Après, marchoient les mesureurs de sel.
Après, les mesureurs de grains.
02
IU l'RIU ERIE H AT IO Si LE.